Accessibility links

Labari da Dumi-Duminsa

Ruwan Sama Da Tabo da Laka Su na Rage Ma Sojojin Kenya Hamzari...


Sojojin Kenya a kusa da garin Liboi a bakin iyakarta da kasar Somaliya, ranar 15 Oktoba 2011

A yayin da suka kutsa cikin yankuna akalla biyu na Somaliya makwabciyarsu domin farauto ‘ya’yan kungiyar kishin Islama ta al-Shabab.

Sojojin kasar Kenya su na fuskantar matsalolin ruwan sama kamar da bakin kwarya da kuma laka da tabo kan hanyoyi, a yayin da suka kutsa cikin yankuna akalla biyu na Somaliya makwabciyarsu domin farauto ‘ya’yan kungiyar kishin Islama ta al-Shabab.

An ce a yanzu haka sojojin Kenya su na kusa da garin Afmadow dake hannun al-Shabab a yankin Jubba na Somaliya, inda aka ce mazauna su na ta gudu domin tsoron kada a rutsa da su a fadan da ake ji za a gwabza.

Jami’ai da shaidu sun fadawa Muryar Amurka jiya talata cewa sojojin Kenya, tare da jiragen yakinsu na helkwafta, sun shige ta garin El-Waq dake bakin iyaka suka shiga cikin yankin Gedo na Somaliya.

Jiya talata a babban birnin na Somaliya, watau Mogadishu, jami’an gwamnatin Kenya da na Somaliya sun yi alkawarin daukar matakan rigakafin hare-hare a kan kungiyoyi masu makamai dake barazana ga kasashen biyu. Da alamun yarjejeniyar da kasashen biyu suka cimma ta takaita matakan sojan da kasar Kenya zata iya dauka a cikin yankin Jubba ta kasa kawai.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG