Sanyin Hunturu Ya Kara Tsanani A Wasu Sassan Amurka

Sanyi mai tsanani ya lullube gabas da tsakiyar Amurka kuma daga dukkan alamu zai ci gaba na kwanaki har zuwa sabuwar shekara.

Mazauna garin Erie dake jihar Pennsylvania sun ci gaba da hako kankarar da ta sauka a farkon satin nan mai tsawon mita daya da rabi ranar alhamis.

Masana yanayi suna hasashen wata kankarar mai yawan centmeter 25 zata kuma sauka nan bada dadewa ba.Haka kuma masu nazari a tsaunin Washington dake jihar New Hampshire sunce tsananin sanyin ya wuce misali, domin nuna yadda sanyin yayi tsanani wani har zubar da tafasasshen ruwa yayi cikin iska amman nan da nan ya zama kankara.

'Yan raji a wannan yanki, su na kokarin dauke marasa galihu daga kan tituna da kuma matafiya wadanda abin ya ritsa da su a hanya.