Accessibility links

Labari da Dumi-Duminsa

Sergio Ramos Ya Ji Rauni, Ba Zai Buga Wasansu Da Liverpool Ba


Sergio Ramos (ESP/Real Madrid)

A ranar 6 ga watan Afrilu, Real Madrid za ta gwada kaiminta da Liverpool a zagayen farko na wasannin kusa da na karshe a gasar ta UEFA.

Kyaftin din Real Madrid, Sergio Ramos, ba zai samu damar buga wasan quarter-final na cin kofin gasar zakarun nahiyar turai ta UEFA ba, wanda za a fara a mako mai zuwa.

Cikin tausasan kalamai dan wasan ya shiga shafinsa na Instagram a ranar Alhamis ya ce, ya samu rauni a agararsa.

“Babu abin da ya fi kona min zuciya, kamar a ce ba zan iya taimakon kungiyata ba, a lokacin da aka fi bukata ta, a wadannan wasannin masu zafi” Ramos ya rubuta da harshen spaniya a shafinsa na Instagram.

Hukumar UEFA ma ta wallafa labarin a shafinta na Twitter inda ta ce dan wasan ya samu rauni a da ya shafi jijiyar kafarsa.

A ranar 6 ga watan Afrilu, Real Madrid za ta gwada kaiminta da Liverpool a zagayen farko na wasannin kusa da na karshe a gasar ta UEFA.

Dan shekara 35, Ramos ya samu raunin ne a wasan da ya bugawa kasarsa da Kosovo a ranar Laraba.

Rahotanni daga kasar Andalus sun ce, Ramos zai kwashe wata daya yana jinya, abin da ke nufin ba zai samu damar buga wasansu da Liverpool ba a zagayen ‘yan-takwas da za a fara a mako mai zuwa a gasar zakarun nahiyar turai ta UEFA.

Dubi ra’ayoyi

Ba Laifi Ba Ne Don Na Dawo Kano Pillars – Ahmed Musa

Karin bayani akan Wasanni
Diego Maradona 1960-2020
please wait

No media source currently available

0:00 0:01:07 0:00
Karin bayani akan Diego Maradona
XS
SM
MD
LG