Accessibility links

Shugaba Trump Ya Yi AMai Ya Lashe


Shugaba Donald Trump

Shugaban Amurka Donald Trump, ya fada wa shugaban kungiyar ma'abuta bindiga ta NRA cewa, batun gudanar da kwakkwaran bincike kan duk wani da zai sayi bindiga, ba ya cikin matakan da za a dauka wajen magance matsalar harbe-harbe a Amurka.

Shugaban ya ce ba lallai ba ne a yi hakan kamar yadda mujallar Atlantic da ake bugawa a nan ta bayyana a wani rahotonta.

Mujallar ta Atlantic, ta ruwaito wani jami’in fadar White House, wanda ya ji Trump ya na tattaunawa ta wayar tarho tare da shugaban kungiyar ta NRA, Wayne Lapierre, inda ya ke kara jaddada masa matsayarsa, wacce ke nuna cewa, ai dama ana gudanar da bincike gabanin a sayar wa da mutum bindiga, saboda haka ba za a sake waiwayar batun ba.

Bayan hare-haren da aka kai a kwanakin baya a birnin El Paso na jihar Texas da kuma Dayton na jihar Ohio, wadanda suka yi sanadin mutuwar mutane da dama, Shugaba Trump, ya nuna goyon bayan tsaurara bincike a kan duk wanda zai sayi bindiga, amma ga dukkan alamu, ya yi amai ya lashe.

Tun dai bayan hare-haren ne shugabannin masu fafutukar ganin an tsaurara dokokin mallakar bindiga irinsu Joshua Howitz, su ke kiran da a dauki matakan da suka dace

“Ya ce idan har ana so a magance matsalar kai hare-haren bindiga, to ya zama dole a dauki mataki akan mallakar bindiga.”

Facebook Forum

An Yi Jana’izar Idriss Deby Yayin Da Makomar Chadi Ke Cike Da Rashin Tabbas
please wait

No media source currently available

0:00 0:04:38 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG