Accessibility links

Labari da Dumi-Duminsa

Sojojin Nijar Sun Kashe Mayakan Boko Haram Da Dama


Sojojin Kasar Nijar.

A Jamhuriyar Nijar, ‘yan kasar sun yaba da nasarorin da sojojin kasar suka fara samu da hadin gwiwar takwarorinsu na rundunar MNJTF a yakin da suke gwabzawa da ‘yan ta’adda.

A baya-bayan nan dakarun rundunar sun fatattaki ‘yan ta’addan Boko Haram da dama tare da karbe masu motoci da makaman yaki lokacin da suka kai farmaki a yankin Diffa lamarin da masana sha’anin tsaro ke alakantawa da wasu dabarun yaki da aka bullo da su.

Kimanin motoci kirar Pick up 15 ne dauke da mayakan Boko Haram aka bayyana cewa sun kai hari a garin Diffa a yammacin Juma’ar da ta gabata.

Sai dai wadanan maharan ba su ji dadin gamin ba sakamakon luguden wutar da suka sha ta sama da kasa, lamarin da ya yi sanadin mutuwar ‘yan ta’adda da dama tare da kwace makamai da motoci.

Haka kuma yunkuri na biyu da ‘yan ta’adda suka yi a washe garin faruwar wannan gumurzu ya gaza yin nasara.

Sojojin Kasar Nijar
Sojojin Kasar Nijar

Yankin Diffa dake makwaftaka da jihohin Borno da Yobe a Najeriya, ya fada cikin yanayin tabarbarewar tsaro a shekarar 2015 lamarin da ya haddasa tsayawar harakokin yau da kullum.

Amma a cewar dan majalisa mai wakiltar al’umar ta Diffa Boulou Mamadou, abubuwan da suka faru a shekaranjiya na baiwa talakawa kwarin gwiwa akan yiyuwar maido da zaman lafiya a wannan yanki.

Karin bayani akan: Boko Haram, Borno, CAPAAN, Nijer, Chadi, Nigeria, da Najeriya.

Haka dai su ma ‘yan rajin kare hakkin jama’a irinsu Almansour Mohamed na kungiyar CAPAAN, sun yabawa yunkurin na sojojin Nijar da takwarorinsusu na hadin gwiwa suna masu fatan ganin an dore a haka.

Sai dai duk da galabar da dakarun gwamnati suka samu a wannan fafatawa ta garin Diffa, sanarwar sashe na 4 na rundunar hadin gwiwar kasashen Tafkin Chadi, ta ce jami’an tsaro hudu da fararen hula sun rasu yayin da wasu 14 suka ji rauni.

Saurari rahoto cikin sauti daga Souley Moumouni Barma:

please wait

No media source currently available

0:00 0:02:59 0:00


Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG