Accessibility links

Labari da Dumi-Duminsa

Tawagar ECOWAS Da Za Ta Sa Ido a Zabe Ta Isa Ghana 


Shugaba tawagar ECOWAS Kan Zaben Ghana, Ellen Johnson Sirleaf

Yayin da kasar Ghana ke shirin gudanar da zabe a ranar Litinin mai zuwa, tawagar da za ta sa ido ta kungiyar raya tattalin arzikin kasashen yammacin Afirka ta ECOWAS ta isa kasar. 

Tawagar dai ta isa birnin Accra ne karkashin jagoranci tsohuwar shugabar kasar Liberia, Ellen Johnson Sirleaf, wacce ta samu ganawa da Ministar harkokin wajen Ghana Mrs. Ayokor Bothway.

Yayin ganawa da manema labarai da ta yi, Sirleaf ta kwatanta mulkin dimokardaiyyar Ghana a matsayin abin koyi ga daukacin Afirka, tana mai fatan za a yi zabe sahihi.A nata jawabin, Minista Bothway, ta ce sun shirya tsaf domin gudanar da zaben inda ta ce, “Ghana ba za ta ba duniya kunya ba.”

A ranar Litinin ne ‘yan kasar Ghana za su garzaya zuwa rumfunan zabe don kada kuri’unsu a zaben da Shugaba Nana Akufor Addo da tsohon shugaban John Mahama suke gaba-gaba a matsayin manyan ‘yan takara.

Jam’iyyar Akufo-Addo ta yi kamfen ne musamman kan tsare-tsarens a fannin ilimi, yayin da Mahama ya mai da hankali kan samar da ayyukan yi tare da caccakar tarihin rashawar abokin hamayyarsa.

A wannan makon Gwamnatin Ghana ta ayyana ranar Litinin, 7 ga Disamba, a matsayin ranar hutu – domin a ba masu kada kuri’a damar zabar shugaban kasar na gaba.

Duk da cewa sama da mutum miliyan 17 da suka yi rijistan kada kuri’a da kuma ‘yan takarar shugaban kasa 12, hukumomi na fafutukar kwadaitar da mutane su fita zaben, wanda yake dauke da sanannun fuskokin da aka gani a zabuka biyu da suka gabata.

Shugaba mai ci Nana Akufo-Addo na jam'iyyar New Patriotic Party (NPP) zaifuskanci John Mahama da ya gada na jam'iyyar ‘yan adawa ta National Democratic Congress '(NDC).

Mahama ya yi nasarar lashe zaben a 2012 sannan Akufo-Addo ya kada shi a zaben 2016.

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG