Accessibility links

Labari da Dumi-Duminsa

Tawaye Da Makamai Ba Zasu Gina Kasa ba- Shugaban Yemel.


Wani wuri da aka kai hari a Yemel

Fada tsakanin ‘yan aware da sojojin gwamnati a kudancin Yamal ya kashe akalla mutane 36, a cewar kungiyar agaji ta Red Cross, yayin da shugaban kasa ke zargin mayakan da juyin mulki.

Shugaban kasa Abd Rabbu Mansour Hadi ya bukaci a tsagaita bude wuta, yana mai cewa tawaye da makamai ba zasu samar da zaman lafiya ko gina kasar ba.

Ya ce makiya na hakika sune ‘yan tawayen Houthi da Iran ke marawa baya, kuma komai ya faru ne a dalilin fadan.

Fadan dai ya barke ne lokacin da shugaba Hadi yayi biris da bukatar ‘yan awaren, na ya kori fara minista Ahmed Obaid Bin Dagher, da suka zarga da cin hanci da rashawa.

‘Yan awaren na samun goyon bayan daular kasashen larabawa. Wadanda ke son maido da kudancin Yamal a matsayin kasa mai cin gashin kanta. Mayakan sun kame gine-ginen gwamnati masu yawa a birnin Aden, wanda ke zama babban birnin gwamnatin Hadi da kaashen duniya suka amine da ita.

Kudancin Yamal na zaman kasa mai cin gashin kanta kafin ta hade da Arewacin Yamal a alif 990.

  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

Bidiyo

Yadda Wani Mutum Ya Mari Shugaban Faransa Emmanuel Macron
please wait

No media source currently available

0:00 0:00:37 0:00
Karin bayani akan Bidiyo
XS
SM
MD
LG