Accessibility links

Labari da Dumi-Duminsa

Trump Ya Ce Ya Yi Farin Cikin Sake Bullar Kim Jong Un Lafiya


Wata ganawar Trump da Kim

Shugaban Amurka Donald Trump, jiya Asabar, ya ce ya na mai farin cikin sake bayyanar Kim Jong Un da cewa Shugaban na Koriya Ta Arewa na cikin koshin lafiya.

“Ni dai kam, Ina farin cikin ganin ya dawo, kuma lafiyarsa lau!” sakon da Trump ya tura kenan ta kafar twitter, bayan bullowar Kim cikin jama’a a karon farko cikin makwannin kusa uku bayan an yi ta yada jita jita sosai cewa ya na fama da tsananin rashin lafiya ko ma watakila yam utu.

Gidan talabijin din gwamnatin Koriya Ta Arewa ya nuna Kim yana tafiya, ya na murmushi sosai kuma yana zugar tabarshi a wani wurin da Koriya Ta Arewar ta ce wani kamfanin takin zamani ne da ake bukin budewa ranar Jumma’a a Sunchon, arewa da Pyongyang, babban birnin kasar.

Jita jita game da makomar lafiyar Kim ta yawaita tun bayan da aka kasa ganinsa ranar 15 ga watan Afrilu wurin bukin ranar haihuwar kakansa, wanda ya assasa kasar ta Koriya Ta Arewa – wadda it ace ranar da ta fi kowacce muhimmanci a kasar a siyasance.

Facebook Forum

XS
SM
MD
LG