WASHINGTON D.C. —
Manchester City ta samu nasarar kai wa ga wasan karshe a gasar cin kofin nahiyar turai na UEFA league da ake yi.
Hakan na faruwa ne bayan da ta doke Paris Saint Germain da ci 2-0 a wasansu na zagaye na biyu a gidan City.
Riyad Mahrez ne ya zura kwallayen biyu, ta farko a minti na 11 ta biyu kuma a minti na 63.
A wasan farko, City ta bi PSG har Paris ta make ta da ci 2-1. Hakan ya zama City ta lashe wasannin da ci 4-1 kenan a jimullance.
An kori Angel de Maria da jan kati a wasan.
Yanzu City za ta ja gefe ta jira wanda za ta kara da shi a wasan da za a kara tsakanin Chelsea da Real Madrid.
Chelsea da Madrid sun tashi da c- 1-1 a wasan farko a Estadio Alfredo Di Stéfano.
Yanzu za su hadu a Stamford Bridge a Ingila a ranar Laraba.
