Accessibility links

Labari da Dumi-Duminsa

Wani Mutum Da Ake Tuhuma Da Kaiwa Amurka Harin Taaddanci Ya Rasu


Abu Anas al-Libi, 49, na biyu a hagu da lauyansa a gaban alkali

Wani mutum da ake kyautata zaton dan kungiyar al-Qaida ne ya rasu ‘yan kwanaki kafin a fara yi mashi shari’a a birnin NY, sabili da harin boma boman da aka kai kan ofishin jakadancin Amurka a Afrika cikin shekara ta dubu da dari tara da casa’in da takwas.

Lauyan Abu Anas al-Libi yace mutumin da yake karewa yana fama da ciwon hanta da kuma cutar sankaran hanta, ya rasu jiya jumma’a a wani asibiti dake NY.

Dama za a fara sauraron karar da aka shigar kan Libi da Khalid al-Fawwaz, wani dan kasar Saudiya ranar goma sha biyu ga wannan watan na Janairu, sabili da hare haren da aka kai a Kenya da Tanzaniya da suka yi sanadin mutuwar mutane dari biyu.

Bernard Kleinman lauyan Libi yace, jikin mutumin da yake karewan ya yi tsanani cikin wata guda da ya shige.

Libi da Fawwaz sun musanta aikata laifukan hada baki da ake tuhumarsu a kai.

Jami’an tsaron Amurka na musamman ne suka kamo Libi a Tripoli a watan Oktoba shekara ta dubu biyu da goma sha uku. Yana cikin jerin wadanda hukumar binciken ta Amurka FBI take nema ruwa a jallo

  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG