Accessibility links

Rahotanni daga kafofin yada labarai da dama na Amurka sun ce mutane da yawa sun ji rauni cikin daren nan agogon Najeriya a gundumar Manhattan ta birnin New York, a bayan da 'yan sanda suka tabbatar da cewa su na binciken rahotannin harbe-harbe.

Hukumar 'yan sanda ta birnin New York, NYPD, ta buga a shafinta na Twitter cewa an kama mutum daya ana tsare da shi.

Hukumar NYPD ta ce wata motar a-kori-kura ta bi ta kan hanyar da aka ware ma masu kekuna a kusa da Cibiyar Cinikayya ta Duniya, ta taka mutane da yawa. Rahotanni suka ce mutane shida suka mutu, sha daya suka ji rauni.

Jaridar New York Times ta ce motar a-kori-kurar ta kuma kara da wata bas ta 'yan makaranta.

Facebook Forum

XS
SM
MD
LG