Wata Motar Makaranta da Tayi Hadari A Jihar Tennessee Nan Amurka Ta Kashe Yara Biyar
Masu aikin ceto a wurin hadarin motar jiya Litinin
Wata Motar Makaranta da Tayi Hadari A Jihar Tennessee Nan Amurka Ta Kashe Yara Biyar
Wani mummunan hadarin motar daukan yaran makaranta tayi a kusa da birnin Chattanooga dake jihar Tennessee ya jefa iyaye cikinjuyayi
WASHINGTON DC —
Iyaye dama na nan Amurka na cikin juyayin bayan wani kazamin hatsarin motar daukar ‘yan makaranta da ya abku jiya Litinin inda kuma yara kanana guda shidda suka rasa rayukkansu a birnin Chattanooga dake jihar Tennessee.
‘Yansanda sunce yara kanana kamar 35 ‘yan aji biyar na makarantar firamare ne suke kan motar safar lokacinda ta fadi, kuma ta juya.
Jami’an yankin na Chattanooga sunce yara 23 aka dauka zuwa assibitoci daban-daban dake garin.
Motar 'yan makaranta da tayi hadari a jihar Tennessee
Haka shima Atone-janar na yankin Hamilton inda abin ya faru, Neal Pinkston ya gayawa kafofin watsa labarai cewa biyar daga cikin yaran a nan take suka rasu a inda aka yi hatsarin, na biyar din kuma ya cika a wata assibitin da aka kai shi.
