Accessibility links

Labari da Dumi-Duminsa

Wuhan: An Sallami Duk Masu Coronavirus Daga Asibiti


Jami'an kasar China, sun fada cewa an sallami duk masu cutar COVID-19 daga asibitocin da ke Wuhan, garin da aka fara samun barkewar cutar, a karshen shekarar da ta gabata.

An saka garin Wuhan, wanda ya ga kusan rabin cututtukan coronavirus na China, karkashin dokar hana fita, mai tsanani, a watan Janairu, kuma aka rufe shi daga sauran sassan kasar.

Ko da yake, duk da an samu sassautawar dokokin sosai, har yanzu ana ci gaba da gwajin mazauna garin akai-akai, don gano kwayar cutar.

Yawancin kasashen duniya, sun dauki matakai daban-daban, da suka hada da hana zirga-zirga a karshen makon da ya gabata, a kokarin shawo kan cutar ta COVID-19.

Amma, a kasar Spain, jami'ai sun kyale yara su fita waje, a karo na farko a cikin makonni shida, wanda ya fara ranar Lahadi.

Facebook Forum

Arewa A Yau

Arewa A Yau
please wait
Embed

No media source currently available

0:00 0:00:47 0:00
XS
SM
MD
LG