Accessibility links

Labari da Dumi-Duminsa

‘Yan Bindiga Sun Hallaka Sojojin Nijar 12 a Hari Da Suka Kai Kauyen Fantio


Hukumomim jamhuriyar Nijar sun tabbatar da mutuwar sojojin kasar 12 sakamakon harin da aka kai a kauyen Fantio na gundumar Tera a shekaran jiya asabar yayinda sojojin suka kashe gomman ‘yan ta’adda suka kuma kwace babura da dama da na’urorin sadarwa.

A sanarwar da ta aikawa kafafen yada labarai a cikin daren jiya lahadi ma’aikatar tsaron jamhuriyar Nijar ta ce wata bataliyar dakarun tsaro mai sansani a kauyen Fantio ta yi kicibus da daruruwan ‘yan ta’adda a lokacin da take kokarin tantance wasu bayanan dake cewa an hango tarin ‘yan bindiga akan babura suna kokarin afkawa kauyen na Fantio.

A ranar asabar din da ta gabata, an kwashe lokaci mai tsawo ana fafatawa a tsakanin wadannan barade da ‘yan ta’adda lamarin da ya ba sojojin gwamnati damar karkashe gomman ‘yan ta’addan tare da kwace masu na’urorin sadarwa da kuma lalata baburansu da dama.

Jigo a kungiyar Suavons le Niger Salissou Amadou ya jinjinawa sojan Nijar saboda yadda suka yi tsayin daka wajen kare martabar kasa da al’umar ta.

Yawan wadannan mahara ya taimaka masu har suka yi nasarar kashe sojoji 12 tare da jikkata wasu 8 inji wannan sanarwa wacce ta kara da cewa daukin da aka samu daga sojan garin Wanzarbe da Tera da iragen saman da suka rika shawagi ya sa ‘yan bindigar suka tsere suka bar gawarkakinsu da dama yashe a kas.

Koda yake sun arce da wasu daga cikin mutanen da aka kashe masu, tsohon shugaban kwamitin tsaro a majalisar dokokin kasa Hon. Hama Assa ya nuna juyayi akan rasuwar jami’an tsaro ya kuma gargadi jama’ar Nijar a maida dukkan wani bambance-bambance don tunkarar kalubalen tsaro.

Kauyen Fantio na karkarar Gorouol dake gundumar Tera a jihar Tilabery na daga cikin garuruwan da hukumomi suka girke wa sojoji takanas a farkon shekarar nan domin kare jama’a bayan la’akari da yadda ‘yan ta’adda suka addabi garin da kewaye a can baya.

Saurari rahoto cikin sauti daga Souley Moumouni Barma:

‘Yan Bindiga Sun Hallaka Sojojin Nijar 12 a Hari Da Suka Kai Kauyen Fantio
please wait

No media source currently available

0:00 0:03:01 0:00


Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG