PLATEAU, NIGERIA - Gwamnan Jihar, Simon Lalong ya bada umurnin ne bayan wasu munanan hare-hare da ‘yan bindiga su ka kai kauyen Kuliyas a karamar hukumar Bokkos, suka hallaka mutane bakwai, ciki har da basaraken yankin.
Kansila mai wakiltar Butura a karamar hukumar Bokkos inda lamarin ya auku, Isaac Mafuyas Julson ya ce mutane bakwai ne ‘yan bindigar suka halaka a kauyuka biyu, suka kuma kona gidaje goma sha daya.
Shugaban karamar hukumar Bokkos, Joseph Gulwa ya bukaci mutanen yankin da su kai zuciya nesa, kar su dauki doka a hannunsu.
Kwamishinan Ilimi mai zurfi na Jihar Filato, Farfesa Bernard Matur ya ce gwamnati zata dauki mataki kan lamarin.
Rundunonin tsaro a Jihar da suka hada da ‘yan sanda, Soji, Civil Difens da Operation Rainbow sun ce sun dukufa wajen bincike don gano batagarin.
Saurari cikakken rahoton daga Zainab Babaji:
