Accessibility links

Labari da Dumi-Duminsa

‘Yan bindiga Sun Kashe Ahmed Gulak a Owerri


Marigayi Ahmed Gulak (Channels TV)

Bayanai sun yi nunin da cewa, Gulak ya rasa ransa ne bayan da wasu 'yan bindiga suka harbe shi yayin da yake kan hanyarsa ta komawa Abuja daga birnin na Owerri.

Rahotanni daga Najeriya na cewa wasu ‘yan bindiga sun kashe Barrister Ahmed Gulak, tsohon mai baiwa tsohon shugaban Najeriya Goodluck Jonathan shawara kan sha’anin siyasa.

Ayyuba Gulak, kani ga marigayin, ya tabbatarwa da Muryar Amurka rasuwar dan uwan nasa ta wayar tarho.

Da safiyar ranar Lahadi jaridun Najeriya da dama suka ruwaito cewa an kashe Gulak ne yayin da yake kan hanyarsa ta komawa Abuja daga birnin Owerri na jihar Imo da ke kudu maso gabashin kasar.

Lamarin ya faru ne a daren ranar Asabar a cewar rahotannin.

Wasu majiyoyi da gidan talabijin na Channels ya yi hira da su, sun ce ‘yan bindigar sun bi sahun Gulak ne tun daga otel din da ya sauka zuwa inda suka harbe shi a lokacin yana hanyarsa ta zuwa filin tashin jirage.

Karin bayani akan: Ahmed Gulak, jihar Imo, APC, PDP, Goodluck Jonathan, IPOB, Muryar Amurka, Shugaba Muhammadu Buhari,, Nigeria, da Najeriya.

Gulak tsohon kakaki ne a Majalisar Dokokin Jihar Adamawa da ke arewa maso gabashin Najeriya.

A watan Fabrairun shekarar 2018, Barrister Gulak ya sauya sheka ya koma APC tare da wasu gaggan jam’iyyar da magoya bayansu sama da 40,000.

“Lokaci ya yi da za mu yi rijista a matsayin mambobin APC. Lokaci ya yi da za mu binne PDP a Adamawa.” Gulak ya ce a wajen gangamin karbarsu, wanda aka yi gabanin wata ziyara da Shugaba Muhammadu Buhari, ya kai jihar a lokacin.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG