Accessibility links

Labari da Dumi-Duminsa

'Yan Bindiga Sun Yi Awon Gaba da Magajin Garin Daura


Shugaba Buhari A Taron Shugabannin Jam’iyyar APC Inda Ya Bayyana Niyyarsa Na Sake Neman Wa'adin Shugabanci
Shugaba Buhari A Taron Shugabannin Jam’iyyar APC Inda Ya Bayyana Niyyarsa Na Sake Neman Wa'adin Shugabanci

Yan bindiga sun dauke magajin garin Daura jim kadan bayan idar da sallar magariba

‘Yan bindigar dan sun shiga cikin garin Daura suna harbe-harbe inda su ka yi awon gaba da magajin garin Alhaji Musa Umar.

Magajin Garin wanda shi ne hakimin garin na Daura mai tarihi a jihar Katsina, ya gamu da akasin ne bayan ya dawo daga masallaci ya zauna da wasu jama’a a kofar gidan sa.

Shaidun gani da ido sun bayyana cewa, maharan sun isa gidansa ne da mota kirar FIJO 406 suka yi ta harbi don firgita jama’a kafin dauke magajin gari. Lamarin ya zama da tada hankali da ya kasancewa gidanshi yana tsakiyar babban garin Daura, aka kuma dauke hakimin gari ba tare da samun turjiya ba.

In za a tuna Hakimin Malumfashi ma marigayi Jostis Mamman Nasir ya taba cin karo da masu satar mtanen amma Allah ya kubutar da shi.

Yankin Kaduna,Katsina da Zamfara sun zama cikin halin damuwa ta masu satar mutane don samun kudin fansa da wani lokacin ya kan kai ga rasa rayuka.

Saurari hirar Nasiru Adamu El-hikaya da Alh Ya'u Chiroman Bakan Daura

An sace magajin garin Daura-3:30"
please wait

No media source currently available

0:00 0:03:29 0:00

  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

XS
SM
MD
LG