Accessibility links

Labari da Dumi-Duminsa

‘Yan Kasuwa Na Korafin Rufe Kasuwar Wuse a Abuja


‘Yan kasuwa na kokawa kan rufe kasuwar Wuse, Abuja sakamakon yadda wasu ’yan kasuwa suka ki mutunta ka’idojin kare kai daga Coronavirus.

Bayan rufe kasuwannin Wuse, UTC da ginin Murg dake burnin tarayya Abuja sakamakon kin bin ka’aidojin kare kai daga cutar Korona, kananan ‘yan kasuwa na kokawa kan asarar da hakan zai ci gaba da jawo wa kasuwancinsu idan ba a bude kasuwannin, musamman na Wuse, cikin gaggawa ba.

Wasu daga cikin ‘yan kasuwan, kamar Auwal Abubakar sun bayyana irin tasirin da rufe kasuwar ke da shi ga sana’arsu. Ya ce rufe kasuwar ya kawo matsala a sana’ar sa ta sayar da kaji masu rai. Ya ce sukan je tun da sassafe don su bai wa kaji abinci kafin sayar da su, amma babu wani notis sai aka rufe kasuwar.

Shugaban kwamitin ko-ta-kwana a aiwatar da dokokin kare kai na birnin Abuja, Attah Ikharo, ya ce an rufe kasuwar Wuse ne biyo bayan umarnin kotun ko ta kwana da ta samu hukumar kasuwar, da ‘yan kasuwar ma da laifin keta dokar kare kai game da cutar coronavirus, kuma kasuwannin zasu kasance a rufe har sai lauyoyin kwamitin sun koma kotu don sake nazari inda ya bukaci mutane su bi doka ko ba hukuma a wajen.

Baya ga rufe kasuwannin dai, kotun ko ta kwanan da ta samu jagorancin mai shari’a Idayat Akanni, ta hukunta mutane kimanin 100 da aka kama da laifin keta dokar saka takunkumin fuska a bainar jama’a ta hanyar cinsu tarar naira dubu 2 kowannen su, wanda hakan na zuwa kasa da mako daya da shugaba Buhari ya rattaba hannu a dokar kare kai kan cutar coronavirus ta shekarar 2021 kuma hukumar babban birnin tarayya Abuja ta fara aiki a kai gadan-gadan.

A saurari rahoto cikin sauti daga Halima Abdulra’uf:

‘Yan Kasuwa Na Korafin Rufe Kasuwar Wuse a Abuja
please wait

No media source currently available

0:00 0:03:42 0:00


Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG