Yan Sanda Sunyi Awon Gaba Da Shaharraren Mawaki Bobi Wine

Dan majalissar, dan adawar kasar Uganda, kuma shaharraren mawaki Bobi Wine, yan sanda sun tare shi a yau Alhamis lokacinda ya sauka a filin jirgin saman Kampala, suka yi awon gaba da shi.

An hana yan jaridu shiga cikin filin jirgin kuma aka tsaurara matakan tsaro a birnin Kampala, a yayinda aka tura jami’an tsaro akan titunan birnin. Jiya laraba ‘yan sanda suka hana mutane yin gangami a gaban filin saukar jirage da wasu wurare domin tarbar mawakin dan shekaru 36.

Kafofin yada labarum kasashen waje dana kasar da kuma dandalin sada zumunci na yanar gizo sun bada rahoton cewa, dan-uwan mawaki Wine da manajan sa da kuma mawakan sa suma an kama su, a lokacin da suka sauka daga cikin jirgin bayan sun fito daga Turai.