Accessibility links

Labari da Dumi-Duminsa

Yau Ta Ke Ranar Kare ‘Yancin Bil Adama Ta Duniya


Human Rights Day

An cika shekaru 70 da kasashen duniya suka rattaba hannu a kan yarjejeniyar kasa da kasa ta mutunta ‘yancin dan Adam. Sai dai hukumar kare hakkin dan Adam a Jamhuriyar Nijar na ganin har yanzu akwai sauran rina a kaba.

A shekarar 1948 ne kasashen duniya suka rattaba hannu akan wata yarjejeniyar amincewa muhimman hakkokin dan Adam bayan lura da ukubar da jagoran Jamusawan wancan lokoci Hitler ya ganawa abokan gabarsa a zamanin yakin duniya na biyu, saboda haka ranar ta 10 ga watan Disamba ke zama wani lokaci na bitar halin da ake ciki a fannin ‘yancin dan Adam.

Sai dai shekaru 70 bayan wannan alwashi har yanzu ana fuskantar jan kafa a wannan fanni a nafiyar Afirka, inji magatakardar hukumar kare dan Adam ta CNDH mai shari’a Amadou Alichina kourgeni.

Matsalar tsaron da aka shiga a kasashen dake fama da hare haren ta’addanci a yau, na daga cikin matsalolin da suka hanawa jama’a morar ‘yanci da dama.

Binciken hukumar kare hakkin dan adam ta CNDH a wasu yankunan karkara ya yi nuni da cewa ana ci da hakkin makiyaya a wurare da dama a Nijar.

Garkame ‘yan kasa ba tare da wata kwakwarar hujja ba wani bakon al’amari ne da kungiyoyin fafutika suka ce yana neman samun gindin zama a wannan kasa saboda haka suka lashi takobin yakar wannan dabi’a dai dai da abin da doka ta yi tanadi.

Shagulgulan ranar ta bana sun tahallaka ne wajen kiraye-kirayen al’umomin duniya akan bukatar su tashi tsaye don kwatar ‘yanci wato Stand Up For Your Rights.

Domin karin bayani saurari rahotan Sule Muminu Barma.

please wait

No media source currently available

0:00 0:03:03 0:00

Facebook Forum

XS
SM
MD
LG