Accessibility links

Labari da Dumi-Duminsa

An Yi Wa Yusuf Muhammadu Buhari Tiyata Bayan Hatsarin Babur


Yusuf Buhari

Likitoci sun yi ma Yusuf Muhammadu Buhari, dan shugaban Najeriya, tiyata, kuma yana kwance yanzu haka a asibiti yana jinyar raunukan da ya samu a dalilin wani hatsarin da yayi a kan mashin.

Jiya da daddare ne Yusuf Buhari ya yi hatsari kan katon babur, ko mashin, a unguwar Gwarinpa da ke babban birnin tarayya, inda ya samu karaya, ya kuma buga kai ya ji rauni.

Mai taimaklawa shugaban Najeriya a fannin kafofin yada labarai na Intanet, Bashir Ahmad, ya bayyana a shafinsa na twitter cewa Yusuf na ci gaba da samun sauki a bayan wannan tiyata da aka yi masa.

Ya kuma ce shugaba Buhari tare da Uwargidarsa sun bayyana godiya ga 'yan Najeriya a saboda irin addu'o'in da suke yi ma Yusuf, tare da rokon Allah Ya saka musu da alkhairi.

Ga abinda Bashir Ahmad yake fada a shafinsa na Twitter:

Facebook Forum

XS
SM
MD
LG