Sojoji sun cafke wani da ya boye katunan zabe masu dimbin yawa.
Bobi Kwatare shi ne wanda aka kama da katunan zabe kusan tamanin da uku a jihar Adamawa bayan da ya shiga hannun 'yan sanda a wurin da ake binciken ababan hawa.
A cewar sa wani jami'in gunduma ne ya bashi katunan ya rabawa wadanda suke gudun hijira a kan duwatsu.
Yanzu haka sojojin sun mikashi hannun rundunar 'yan sandan jihar Adamawa domin su ci gaba da bincike.
Rundunar 'yan sandan jihar ta Adamawa ta tabbatar da aukuwar lamarin.
A cewar 'yan sandan, wanda aka kaman ya ce ya zo ganin kishiyar mahaifiyarsa ne sai jami'in ya bashi katunan zaben ya ba wadanda suke kan duwatsu domin a cewarsa babu kafar sadarwa a inda su ke.
To saidai hukumar zabe ta ce ba da yawun ta aka yi badakalar ba domin ba ta amince a ba wani katin wani ba saboda dokikin zabe basu amince da hakan ba.
Ga karin bayani.
