Accessibility links

Labari da Dumi-Duminsa

Ana Bincikar Wasika Mai Guba Da Aka Aikawa Shugaban Amurka Da Mukarraban Sa


Donald Trump

Ana alakanta wani ambulan dake dauke da adireshin shugaba Donald Trump na Amurka dake dauke da gubar sinadarin ricin da wadansu wasiku biyu da aka karbe a ma’aikatar tsaro ta Pentagon.

Sanarwar da ma’akatar ayyukan tsaron ciki ta fitar ta tabbatar da samun wasikar da ake da alamar tambaya a kai da aka rubutawa shugaban Trump ranar daya ga watan Oktoba shekara ta dubu biyu da goma sha takwas. Sanarwar ta kara da cewa, ba a fadar shugaban kasa ta White House aka karbi wasikar ba, kuma wasikar bata shiga fadar White House ba.”

Jami’an ma’aikatar tsaron sun shaidawa Muryar Amurka cewa, an sami gubar risin a jikin dukan wasikun da aka aika ma’aikatar tsaro daya da sunan sakataren tsaro Jim Mattis, daya kuma zuwa ga shugaban ayyukan rundunar mayakan sama Admiral John Richardson.

An kai wasikun ofishin Hukumar binciken manyan laifuka ta FBI jiya Talata domin kara bincike, bisa ga cewar kakakin ma’aikatar tsaro Kanar Rob Manning.

Wasikun sun isa ofishin rarraba wasiku na ma’aikatar tsaro dake wajen ginin Pentagon ranar Litinin. Jami’an kare ma’aikatar suka gano gubar lokacin da suke bincike wasikun, saboda haka wasikun basu shiga ginin ma’aikatar tsaro ba, inji jami’an.

Ana dai samun gubar ricin ne a wani irin wake. Idan aka shaketa ko aka ci ko kuma aka yiwa mutum allura da ita bayan an sarrafa ta, tana iya kashe mutum a cikin sa’oi arba’in da takwas. Bisa ga cewar cibiyar kare yaduwar cututaka ta Amurka, gubar ricin bata da magani.

  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

An Yi Jana’izar Idriss Deby Yayin Da Makomar Chadi Ke Cike Da Rashin Tabbas
please wait

No media source currently available

0:00 0:04:38 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG