Ruwan sama da aka yi ta zabgawa kamar da bakin kwarya a Korea ta Kudu a ranar Lahadi 2 ga watan Agusta, ya yi sanadin mutuwar mutum shida kana wasu bakwai sun bata, a cewar jami’ai.

Ma'aikatar cikin gida da tsaro ta ce ruwan saman ya kuma haddasa zaizayar kasa a wurare da dama tare da haifar da ambaliyar ruwa akan tituna da kuma barnata gine-ginen da ke gabar kogunan kasar.

Yawancin barnar da ruwa ya yi, ta auku ne a alkarya da tsakiyar birnin Seoul.