WASHINGTON, DC —
Allah Ya kubutar da wasu mata fiye da sittin da 'yan kungiyar Boko Haram suka sace a kauyukan kananan hukumomin Madagali da Michika.
Daya daga cikin matan nan da suka samu tserewa ta yi bayani a tattaunawar su da wakilin Sashen Hausa Ibrahim Abdulaziz, amma ta bukaci ya rufa ma ta asiri, kar ya bayyanawa duniya sunan ta. Ga bayanin da ta yi game da yadda aka sace su, da kuma irin wahalar da ta sha a hanyar tserewa:
A cewar wannan mata da ta bayar da shaida, yanzu haka akwai sauran wasu matan su kusan arba'in a hannun 'yan kungiyar Boko Haram. Kuma ta ce babu wani soja a yankin su, saboda haka 'yan Boko Haram ne kawai ke cin karen su ba babbaka a garuruwan su.
