WASHINGTON, D.C. —
Sakataren harkokin wajen Amurka Mike Pompeo ya fadawa shirin labaran Fox na jiya Lahadi cewa, ko shakka babu Jamhuriyar Islamiyar Iran ce ta kai wannan hari a kan jiragen ruwa ‘yan kasuwa da zummar hana jiragen ratsawa ta wurin.
Babban jami’in diflomasiyar na Amurka yace Amurka bata so wani yaki da Tehran, amma zata tabbatar da sufuri a kan hanyar dake hada yankuna tekun Peshan da tekun Oman, wani karamin yankin ruwan teku da jiragen raba mai ke amfani da su.
Iran ta musunta zargin da Amurka take mata cewa tana da hannu a cikin a harin da aka kaiwa jiragen Norway da Japan da suke dakon mai da wasu sanadarai.
Facebook Forum