Accessibility links

Amurka Ta Cika Shekaru 100 Tun Shiga Yakin Duniya Na Farko


Jiragen sama masu shawagi a bukin cikar Amurka shekaru 100 da shiga yakin duniya na farko.

A Faransa an gudanar da bikin cika shekaru 100 tun lokacin da Amurka ta shiga yakin Duniya.

Shugaban Amurka Donald Trump shine babban bako a bikin cika shekaru 100 da Amurka ta shiga yakin Duniya, inda sojojin Faransa suka gudanar da shagulgula da suka hada da kade-kade da wasanni da jiragen saman yaki masu shawagi a acikin sararin samaniya, bukin dai ya kwashe sama da sa’o’i biyu ana gudanar da shi.

Tutocin Amurka da na Faransa sunyi ta kadawa a zagayen sanannan dandalin nan na Champs Elysees, inda dakarun Amurka suka yi maci tare da dubban dakarun Faransa, dauke da kayayyakin yaki irinsu tankoki da makamai masu linzami.

Sama da ‘yan sanda 3,500 suka mamaye wajen bukin domin samar da tsaro da dakile yiwuwar harin ta’addanci.

Wannan biki da aka gudanar a Faransa yazo ne shekara guda bayan da wata babbar mota ta kai hari ta kashe mutane 86 a birnin Nice, harin da kungiyar ISIS ta ‘dauki alhakin kai shi.

Da suke sallama a yau Juma’a, shugaba Trump da shugaba Emmanuel Macron da matarsa Brigitte, sunyi tafiya tare kafin Macron ya jinjina hannun Trump na wasu ‘yan dakikoki, wanda hakan ya zama wata al’ada ga shugabannin biyu

Facebook Forum

XS
SM
MD
LG