Accessibility links

Babban zauren Majalisar dinkin duniya da kwamitin Sulhun ta sun zabi alkalai da zasu yi aiki a kotun duniya, wani bangaren shari'a na Majalisar .

Babban zauren majalisar dinkin duniya da kwamitin sulhu sun kada kuri'ar, zaben Ronny Abraham, na kasar Faransa da Abdulqawi Ahmed Yusuf, daga Somalia. Sai kuma sababbin alkalai guda biyu da suka hada da Antonio Augusto Cancado Trindade dan kasar Brazil da kuma Nawaf Salam daga Lebanon.

An zabo dukkaninsu ne su yi aiki na wa’adin shekaru tara daga wata Faburairun badi.

A halin da ake ciki kuma rundunar Amurka ta kai farmaki ta sama kan kungiyar al-Shabab ta kasar Somalia a jiya Alhamis kuma ta kashe 'yan kungiyar al-shabab da dama, a cewar ma’aikatar tsaron Amurka.

Harin jirgi mara matukin ya auna yankin Bay, na kasar Somalia, wanda ke kimanin kilomita 160 daga yammacin babban birnin kasar Mogadishu a cewar mai Magana da yawun ma’aikatar tsaron Amurka ta Pentagon Audricia Harris kamar yadda ta fadawa Muryar Amurka.

Facebook Forum

XS
SM
MD
LG