Accessibility links

Labari da Dumi-Duminsa

Amurka Zata Tura Sojoji Dubu 15 Kan Iyakar Mexico


Dogaran kan Iyaka

Shugaban Amurka Donald Trump ya ce zai aika da sojoji da zasu kai dubu 15 zuwa bakin iyakar Amurka da Mexico domin su dakatar da bakin hauren dake shirin shiga kasar daga tsakiyar nahiyar Amurka.

Trump yace rukunin mutane ne masu hadari,yayinda yake magana a kan bakin hauren, wadanda da farko ya kira "miyagun mutane da kuma 'yan kungiyar daba"

Wata mata da ta fito daga kasar El Salvador kuma take cikin tawagar bakin hauren da suka taso daga Arewacin Amurka, tace tana son Trump ya sani cewa ita da sauran mutane ba masu aikata laifi bane.

Tace “bawai zamu je can bane domin muyi sata ko mu cutar da wani bane. Muna son muyi aiki da hannayenmu da gumunmu domin mu samu abin kanmu. Muna rokon Allah ya kaimu can mu samu aiki.”

Sojoji dubu 15 da Trump yace zai aika, sun wuce yawan sojoijn da ma’aikatar tsaro ta Pentagon ta sanar cewa tana shirin aiki dakaru 5,200 domin haduwa da dogarawan tsaron kasa 2,100 da yanzu haka suke bakin iyaka. Jami’an ma’aikatar tsaron Amurka sun fadawa Muryar Amurka cewa kusan sojoji 2,000 za a saka cikin shirin ko ta kwana, domin su taimakawa sojojin da aka riga aka tura bakin iyakar.

Wanda hakan ke nuna yawan sojojin da aka tura bakin iyakar Amurka sun wuce na sojojin Amurka dake yakar kungiyoyin ta’adda a Iraqi da Syria.

  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

XS
SM
MD
LG