Accessibility links

Labari da Dumi-Duminsa

An Kama Babbar Jam'ar Kanfanin Fasaha Ta Huawei A Canada


Meng Wanzhou, babbar jami'ar Huawei

Wata babbar jami’ar kamfanin fasaha ta bayyana gaban kotun kasar Canada a kan laifuka da Amurka ke zarginta da aikatawa mai alaka da huldan kasuwanci da kasar Iran, lamarin da ya girgiza hada-hadar kudi a duniya biyo bayan kamata.

A cikin dakin kotun da ya cika makil da jama’a a Vancouver a Canada, wani lauyan gwamnatin kasar ya musunta baiwa Meng Wanzhou, babbar jami’an kudi na katafaren kamfanin fasaha na kasar China Huawei beli a jiya Juma’a, yayin da ake nazarin yiwuwar mikata ga Amurka kuma yace tana da hadari ga sufurin jirgin sama

Lauyan mai shigar da karar yace Amurka tana neman Meng bisa zarginta da yaudarar ma’aikatun kudi a kan huldan Huawei da wani kamfanin fasaha na SkyCom dake Hong Kong da ake zarginsa da sayarwa Iran wasu na’urar fasaha da Amurka ta kera, wanda hakan ya sabawa takunkumin cinikayya da Amurka ta kakabawa Iran.

Kama Meng a birnin Vancouver da Amurka ta buakaci hakan daga Canada, ya zo da mamaki ga kasuwar hada-hadar kudi, bayan Shugaba Donald Trump da takwarar aikinsa na China Xi Jinping sun amince a kan wata yarjejeniyar ciniki a karshen mako a Argentina.

Facebook Forum

XS
SM
MD
LG