Accessibility links

Labari da Dumi-Duminsa

An Kama Masu Zanga Zanga Sama Da 200 a Nijar


Hotunan zanga zangar da aka gudanar a birnin Yamai na Nijar, bayan hukumar zabe ta sanar da sakamakon zaben shugaban kasa.

Hukumomin jamhuriyar Nijar sun bada sanarwar kama mutane sama da 200 cikinsu har da tsohon kwamandan rundunar mayakan kasar Janaral Moumouni Boureima sanadiyar zanga zangar da ta barke a birnin Yamai sa’o’i kadan bayan da hukumar zabe ta fitar da sakamakon zagaye na 2 na zaben shugaban kasar.

Da yake bayani ta kafafen gwamnatin Nijar, babban alkali mai kare muradun hukuma a kotun birnin Yamai mai shara’a Maman Tsayabou Issa ya tabbatar da cewa ya zuwa ranar Laraba kimanin mutane 250 ne ke tsare a hannun jami’an ‘yan sanda.

Wannan ya biyo bayan tarzomar da aka fuskanta a birnin Yamai da nufin nuna rashin yarda da sakamakon zaben shugaban kasa zagaye na biyu da aka yi a ranar Lahadi 21 ga watan Fabrairu, wanda ake ci gaba da bincike domin gano masu hannu a wannan al’amari.

Shugaban kungiyar Voix des Sans Voix, Nassirou Saidou, ya ce tun da aka fara zaben wannan shekara ‘yan siyasa ba su hada kan su ba wurin tafiya kan su ya rarrabu tsaknin masu mulki da yan adawa.

Saidou ya kuma kara da cewa, wannan abu da ya faru tun farko abu ne da suka tabbatar zai faru, idan kuma ka dubi yadda yanayi gari babu wanda ya ke fitowa hankalin sa kwance.

Tsohon kwamandan rundunar mayakan jamhuriyar Nijar Janaral Moumouni Boureima Tchanga na daga cikin mutanen da ke tsare a yanzu haka, yayin da wata majiya ta ce hukumomi na neman wasu shugabannin ‘yan adawa.

Sai dai shugaban kungiyar kare hakkin dan adam ta CODDAE, Alhaji Moustapha Kadi, ya ce zama kan teburin sulhu ita ce hanya mafi a’ala ga yanayin da Nijar ke ciki a yau.

A can baya, babban alkali mai kare muradun gwamnati ya sanar cewa hukumomi sun zuba ido domin ganin abubuwan da ka iya biyo bayan munanan kalaman da ake zargin wasu ‘yan siyasa da furtawa a lokacin yakin neman zabe.

Tuni kungiyoyin kare hakkin dan adam suka fara kiran bangarorin siyasar kasar da su maida zuciya nesa.

Daya daga cikin Shugabannin matasa, Kabirou Issa, ya ce bai yi mamakin matakin kama wadanan mutane ba.

Koda yake kura ta dan lafa a wasu unguwanin a birnin Yamai, amma yau Alhamis, matasa suka afkawa gidan wakilin Sashen Faransanci na gidan radiyon Faransa Moussa Kaka da ke unguwar Lossa Goungou a bisa zarginsa da goyon bayan jam’iyya PNDS Tarayya mai mulki.

Jiya Laraba kuwa wani jami’in tsaro ya rasa ransa lokacin da wasu masu zanga zanga suka yi yunkurin kutsawa gidan wani dan siyasa a unguwar Koubia.

Saurari cikakken rahoton Souley Moumouni Barma:

please wait

No media source currently available

0:00 0:03:25 0:00


Sojojin Najeriya sun samu nasarar kwace bindigogi sama da 500

Karin bayani akan Rahotannin Taskar VOA

Shugaban NDLEA a Najeriya, Janar Buba Marwa

Dalilin Da Ya Sa Muke Bin Diddigin Dukiyar DCP Abba Kyari - Buba Marwa
please wait

No media source currently available

0:00 0:02:34 0:00
Karin bayani akan Rahotannin Taskar VOA

Yadda Rikicin ‘Yan Aware A Yankin Kamaru Ya Shafi Wasu Al’ummoni A Najeriya

Yadda Rikicin ‘Yan Aware A Yankin Kamaru Ya Shafi Wasu Al’ummoni A Najeriya
please wait

No media source currently available

0:00 0:04:19 0:00
Karin bayani akan Bidiyo

Gwamna Matawalle

Dalilan Da Suka Sa Muka Sayi Motoci Ga Sarakuna A Zamfara - Gwamna Matawalle
please wait

No media source currently available

0:00 0:04:35 0:00
Karin bayani akan Bidiyo
XS
SM
MD
LG