Accessibility links

Labari da Dumi-Duminsa

An Maida Gawawwakin Sojin Amurka Daga Koriya


Wani jirgin sojin Amurka ya mayar da akwatuna 55 na gawarwakin da Koriya ta Arewa tace ma'aikatan Amurka ne da aka kashe a yakin Koriya fiye da shekaru 60 da suka wuce.

Jirgin da ya sauka a Koriya ta Kudu a safiyar yau jumma'a, ya samu rakiyar kwararru daga Majalisar Dinkin Duniya da kuma hukumar kare fursunonin yaki POW/MIA.

Dawo da su din da akayi ya soma tabbatar da yarjejeniyar da aka cimma a watan da ya gabata, tsakanin shugaban Koriya ta Arewa Kim Jong Un da shugaban Amurka Donald Trump a lokacin da suka yi zaman tattaunawa mai dimbin tarihi a kasar Singapore. Trump yayi amfani da shafin sa na Twitter inda ya yi wa Kim godiya bayan da gawarwakin suka sauka a Koriya ta kudu.

Kimanin sojojin Amurka 7,700 ne suka bace a yakin Koriya kuma ana kyautata zaton mafi yawancin gawarwakin har yazu suna Koriya ta Arewa.

Facebook Forum

Shin PI Za Ta Fashe Kuwa Ko Yaudara Ce Kawai?

Karin bayani akan Bidiyo
XS
SM
MD
LG