WASHINGTON D.C. —
Wani dan asalin yankin da ya nemi na sakaya sunansa, ya ce yanzu haka wasu jami’ansu na cikin daji, yayin da wasu kuma ke bakin kogi don gudun abin da ka iya faruwa, sakamakon bayanan da suka samu na cewa za’a kawo musu hari.
Wannan dai na zuwa ne a kasa da makwanni biyu da harin da aka kai wasu kauyukan Numan dake makwabtaka da Lamurde, inda aka samu asarar rayuka baya ga gidajen da aka kona.
Kawo yanzu duk kokarin ji daga bakin shugaban karamar hukumar ta Lamurde Mr. Vratis S Nzanzo, abin ya ci tura.
To sai dai kuma ita ma rundunar yan sandan jihar Adamawa ta bakin kakakinta SP.Othman Abubakar, ta ce bata da cikakken bayani, to amma ba zata yi kasa a gwiwa ba wajen kare rayuka.
Facebook Forum