Accessibility links

Labari da Dumi-Duminsa

Ba Gwamnatin Tarayya Ta Bamu Kayan Da Aka Yi Wasosonsa Ba-Fintiri


Masu Zanga-Zangar Sai An Soke Rundunar SARS.

Biyo bayan kazancewar da wasoson da jama'a ke yi a wuraren ajiye kayayyakin gwamnati, yanzu haka gwamnan jihar Adamawa Ahmadu Umaru Fintiri ya yiwa al'umman jihar jawabi tare da kafa dokar hana fita.

Gwamnan jihar Adamawa Ahmadu Umaru Fintiri ya karyata batun cewar kayayyakin da ake wasoson gwamnatin tarayya ce ta aiko.

To sai dai kuma duk da dokar hana fitan da ta soma aiki da misalin karfe uku na ranar Jiya Lahadi, jama'a musamman matasa sun yi biris tare da kai farmakin wasoso a wasu wuraren da aka ajiye kayayyakin, har cikin dare. Lamarin ba a fadar jihar kadai ya tsaya ba har da wasu kananan hukumomi da suka hada da Numan .

Kakakin rundunan yan sandan jihar Adamawa, DSP Suleiman Yahya Nguroje ya tabbatarwa Muryar Amurka da batun wasoson. Ya ce zasu jibge jami’an ‘yan sanda a wuraren dake bukatar cikakken tsaro, ya kuma ce hukumar ‘yan sanda na iya kokarinta ta dakile wannan fitina da ta taso.

Kamar Adamawa a Taraba ma an samu irin wannan tirmitsitsin inda shugabanin Al'umma ke kira da akai zuciya nesa.

Senata Aisha Jummai Alhassan tsohuwar ministar ma'aikatar harkokin mata ta yi kira ga matasa su yi hakuri da wannan al’amari saboda abin da zaman lafiya bai bayar ba, rashin zaman lafiya ba zai kawo shi ba. Ta ce tun da gwamnonin jihohi sun yi masu alkawari kana shugaban kasa ya rusa SARS, yakamata su yi hakuri kada wannan abu ya janyo babbar fitina a cikin kasar.

saurari rahoton Ibrahim Abdulaziz cikin sauti:

please wait

No media source currently available

0:00 0:03:53 0:00

Facebook Forum

Zauren VOA Hausa #EndSARS

Zauren VOA Hausa #EndSARS Kashi na Biyu 03
please wait

No media source currently available

0:00 0:18:31 0:00
Karin bayani akan #ENDSARS: Zanga Zangar Kyamar Gallazawa Al’umma Da Yan Sanda Ke Yi

Rayuwar Birni

Hira da Yusuf, wani dan asalin Jamhuriyar Nijar da ya shekara a Abuja yana sana’r gyaran takalmi
please wait

No media source currently available

0:00 0:02:39 0:00
XS
SM
MD
LG