Accessibility links

Labari da Dumi-Duminsa

Ba Mu Yarda Da Daukar Doka A Hannu Ba - Sheikh Dahiru Bauchi


Sheikh Shehu Dahiru Bauchi.

Babban Shehun darikar Tijjaniyya a Najeriya Dahiru Usman Bauchi ya ce ba su yarda wasu su dau doka a hannu ta hanyar ramuwar gayya bisa kisan gilla ga mabiyansa ba a Jos, wadanda suke komawa jihohinsu bayan ziyarar da su ka kai masa a Bauchi.

Shehu Dahiru Bauchi wanda ke magana a taron manema labarai a Abuja, ya bukaci gwamnati da ta ba da diyyar rayukan da aka rasa.

Malamin ya ce duk hakkin kare rayukan jama'a na wuyan gwamnati don haka ta tabbatar da hukunta masu hannu a tare masu zikirin don hakan ya zama darasi ga masu niyyar aikata irin haka a nan gaba.

Shehu Dahiru Bauchi wanda ya yi ta'aziyya ga iyalan almajiran na sa da su ka rasa rai, ya ba da kwarin gwiwar irin akasin ba zai sake faruwa ba.

Gwamnan Filato Simon Lalong (Facebook/PLSG)
Gwamnan Filato Simon Lalong (Facebook/PLSG)

Da ya ke ta'aziyya ga iyalan mamatan,Sheikh Muhammadu Sani Yahaya Jingir ya jinjinawa iyaye da masu fada a ji don kwantar da sabuwar fitina, ya na mai nuna gamsuwa ga matakan da gwamnan Jihar Filato Simon Lalong ke dauka.

Shi ma mawallafi a Jos Alhaji Ibrahim Ibzar ya ce matukar za a rika hukunta masu muguwar dabi'a za a yi rigakafin mugun aiki.

Ba mamaki yanayin jihar Filato na ramuwar gayya, ya sanya hukumomi a jihar kafa dokar hana fita dare da rana a yankin Jos ta arewa.

Saurari rahoto cikin sauti daga Nasiru Adamu El-Hikaya:

please wait

No media source currently available

0:00 0:02:57 0:00


Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG