Accessibility links

Labari da Dumi-Duminsa

Babban Atoni Janar Ya Ba Da Umurnin a Binciki Zargin Magudin Zabe a Amurka


Babban Atoni Janar din Amurka William Barr.

Babban Atoni Janar din Amurka William Barr ya ba masu shigar da kara na gwamnatin tarayya umurnin su binciki “tarin zarge-zarge” da ake yi kan tafka magudi a zaben shugaban kasar da aka yi a makon da ya gabata, matakin da ya sa daya daga cikin jami’in ma’aikatar shari’ar ya ajiye aikinsa.

A ranar Litinin Barr ya aike da wasiku ga masu gabatar da kararrakin wadanda wasu kafafen yada labaran Amurka da dama suka samu kwafi, amma kuma ba sa dauke da wani takamaiman misali da ya nuna cewa an tafka magudi a zaben.

A cewar Barr, za a iya kaddamar da bincike “idan akwai misalai karara da suka nuna cewa an tafka magudi, wadanda idan da gaske ne, za su iya shafar sakamakon zabe na tarayya da aka yi a mataki na jiha.

Babban Atoni Janar din ya kara da cewa, “duk da cewa yana da muhimmacni a saurari zarge-zarge da ke da tushe a lokacin da ya dace ta hanya madaidaiciya, yana kuma da kyau jami’an ma’aikatar su yi taka-tsan-tsan, su ga cewa sun yi adalci tare da gujewa nuna goyon baya ga wani bangare ko jam’iyya.”

Shi dai Shugaba Donald Trump bai amsa cewa an ka da shi a zaben ba, ya kuma yi ikrarin cewa an tafka magudi wajen kada kuri’a a jihohi da dama, sai dai bai gabatar da wata hujja da ta nuna gaskiyar hakan ba.

Manyan kafofin yada labarai sun ayyana Biden a matayin wanda suka yi hangen shi zai lashe zaben, bisa alkaluman da jihohi suka fitar.

Facebook Forum

An Yi Jana’izar Idriss Deby Yayin Da Makomar Chadi Ke Cike Da Rashin Tabbas
please wait

No media source currently available

0:00 0:04:38 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG