Accessibility links

Labari da Dumi-Duminsa

Biden Ya Yi Fintinkau A Zaben Fidda Dan Takarar Democrat


Joe Biden

Tsohon mataimakin shuagabn kasa Joe Biden ya samu gagarumar nasara a zaben fidda gwani da jami’aiyar Democrat ta yi a jihar South Carolina, lamarin da ya sake farfado da kempensa da ya yi rauni da kuma bashi kwarin gwiwan shiga muhimman takara a ranar Talata inda jihohi 14 zasu yi zabe lokaci guda.

Bayan rashin kokarinsa a takara uku na zaben fidda gwani a baya, masu fashin baki sun yi hasashen cewa yakin neman zaben Biden ka iya rushewa idan bai yi nasara a zaben na jihar South Carolina ba, inda ya samu gagarumar nasara da kuru’un bakar fatar Amurka ‘yan Democrat masu dimbin yawa a jihar.

Baicin kashi da Biden ya baiwa sanatan Vermon Bernie Sanders, wanda ya shiga takarar a matsayin wanda ke kan gaba cikin ‘yan takaran, ya kuma nuna zai iya fafatawa da shi tare da tabbatarwa masu kada kuri’a cewa Sanders ba zai gagare shi ba.

A cikin sakamakon da ya kai kashi 60 cikin dari, alamu sun nuna Biden ya lashe kashi 50 cikin dari na kuru’un. Shiko Sanders yana baya da kashi 19 cikin dari.

Facebook Forum

XS
SM
MD
LG