Accessibility links

Labari da Dumi-Duminsa

Buhari Ya Kaddamar Da Sabbin Jiragen Yaki Na Ruwa 121 Da Kuma Wani Jirgin Sama Mai Saukar Ungulu


Shugaban Najeriya Muhammadu Buhari ya kaddamar da sabbin Jiragen ruwa na rundunar sojojin ruwa guda dari da ashirin da daya da kuma wani jirgin sama mai saukar ungulu na mayakan ruwan a wani bangare na daukar matakin inganta tsaro a kan teku da kuma cikin kasar.

Babban Hafsan Hafsoshin mayakan Ruwan Najeriya, Vice Admiral Auwal zubairu Gambo ya ce za a tuttura jiragen ruwan sassa daban daban na ruwan kasar domin aikin sa ido da ma sintiri wajen tsare kasar ta ruwa a irin wannan lokaci da Najeriya ke fama da matsalar tsaro iri iri.

Da ya ke wa Muryar Amurka karin bayani dangane da irin rawar da wadannan jirage za su taka, kakakin hedikwatar rundunar sojin ruwan Najeriyar, Navy Commodore Sulaiman Dahun ya ce rundunar na da kwararru kuma gogaggun mayaka, amma karancin kayan aiki ne ke dan ci masu tuwo a kwarya, amma yanzu kam za a fuskanci duk wani kalubalen tsaro a ruwan kasar gadan gadan.

Commodore Dahun ya ce ba ko tantama biyo bayan samun wadannan sabbin jiragen za su taka rawa wajen kara inganta aikin mayakan ruwan musamman wajen tunkarar 'yan fashin teku, masu satar danyen mai da ma 'yan fashin teku.

Gwamnatin Najeriyar, inji kakakin mayakan ruwan, ta sayo sabbin jiragen ne daga kasashen Faransa, Vietnam, Spain da kuma Afirka ta kudu, baya ga kuma wani daya da injiniyoyin rundunar ne suka kera shi daga farko har karshe a cikin kasar.

Mai sharhi kan harkokin tsaro na ruwa, Abubakar Abdulsalam ya ce wannan babban ci gaba ne ga rundunar mayakan ruwan duba da girmar yankunan ruwa da suke aikin tsare kasar, in kuma za a sami kari ma to lalle abu ne da zai kara taimakawa.

wannan dai shi ne karo na farko da gwamnati ta samar wa wata rundunar sojin kasar jiragen aiki sama da dari a lokaci guda a tarihin sojojin kasar.

Saurari cikakken rahoton Hassan Maina Kaina:

please wait

No media source currently available

0:00 0:02:46 0:00

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG