Accessibility links

Labari da Dumi-Duminsa

Cikin Wannan Shekarar 'Yanjarida Hamsin Suka Rasa Rayukansu A Bakin Aiki


Almigdad Mojalli na Muryar Amurka yana cikin 'yanjarida hamsin a duk fadin duniya da suka rasa rayukansu yayinda da suke bakin aiki a wannan shekara mai shudewa

A wannan shekarar mai karewa ta 2016, an bada kiddidigar dake nuna cewa kusan ‘yanjaridu hamsin suka rasa rayukkansu a bakin aiki a shekarar – ciki harda wani ma’aikacin gidan rediyon nan namu na Muryar Amurka mai suna Almigdad Mojalli, wanda ya rasa ransa a kasar Yemen inda yaje dauko labarin kazamin yakin da ya barke a can.

Mojalli na daya daga cikin ‘yanjaridu shidda da aka kashe a kasar ta Yamen, abinda yassa Yemen din, tareda Iraq, suka zo a matsayi na biyu na kasashen da aka fi asaran rayukkan ‘yanjaridu a bana, a cewar wani rahoto da Kungiyar kare Hakokin ‘Yanjaridu ta Duniya ta sako.

Duka-duka jimillar ‘yanjaridu 48 suka rasa rayukkansu a bakin aiki a wannan shekarar ta 2016, galibinsu a kasashen Syria, Iraq, Yemen, Libya da Afghanistan.

Sai dai kuma duk da yawansu, basu kai yawan wadanda aka hallaka a shekarar da ta gabata ba ta 2015 ba, lokacinda aka kashe ‘yanjaridu 72.

A nahiyar Afrika, jimillar ‘yanjaridu 6 aka kashe, wasu 41 na tsare a gidajen kurkuku daban-daban.

A tsakanin kasashen na Afrika, ba inda aka yi wa manema labarai lahani kamar Somalia inda aka kashe guda ukku a wannan shekarar.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG