Accessibility links

Labari da Dumi-Duminsa

Hadarin Jirgi: Cuba Ta Ayyana Zaman Makokin Kwanaki Biyu


Wasu daga cikin 'yan uwan wadanda hadarin jirgin ya rutsa da su, suna jimamin hadarin jirgin kasar da ya kashe mutum 107

Cuba ta ayyana zaman makokin kwanaki biyu sanadiyar hadarin jirgin saman kasar da ya halaka mutane 107.

An fara zaman makoki na kwanaki biyu a kasar Cuba a jiya Asabar, bayan da wani jirgin saman kasar ya fadi a ranar Juma’a ya kashe mutane 107, ciki har da wasu fasinjoji daga kasar Argentina da Mexico.

Yanzu haka ana kulawa da wasu mutane uku da suka tsira daga hadarin, wadanda bayanai ke cewa suna cikin mawuyacin hali.

Kamfanin Dillancin Labarai na Reuters, ya ruwaito cewa an tsinci daya daga cikin bakaken akwatunan nan masu nadar bayanai, wanda zai taimaka wajen gano ainihin abinda ya haddasa hadarin.

Wani da ya shaida hadarin, ya fadawa Kamfanin Dillancin labarai na Associated Press cewa, jirgin mai shekaru 37 kirar Boing 737, ya yi wani irin diban iska, jim kadan bayan da ya tashi, kafin daga baya kuma ya kama da wuta.

Kamfanin na Boing da ya kera jirgin ya ce yana da wata tawagar kwararru da za ta iya taimakawa wajen bincike, idan ana bukatarsu, amma idan hukumomin Amurka da Cuba sun amince.

Bayanai sun ce kasar ta Mexico ma za ta tura da wasu kwararru biyu.

Shi dai jirgin yana kan hanyarsa ne ta zuwa birnin Holguin da ke gabashin kasar ta Cuba.

Facebook Forum

Ramaphosa Ya Kai Ziyara Najeriya

Lokacinda Ramaphosa Ya Isa Abuja
please wait

No media source currently available

0:00 0:00:37 0:00
Karin bayani akan Bidiyo

Ana ci gaba da muhawara a kan ko daga wane yanki na Najeriya yakamata shugaban kasar na gaba ya fito

Karin bayani akan Bidiyo

Zabarmawa, Zabuwa, Ghana

Yadda Aka Gudanar Da Wasan Zabuwa A Ghana
please wait

No media source currently available

0:00 0:03:14 0:00
Karin bayani akan Rahotannin Taskar VOA

Sabbin kotunan soji a Maiduguri za su yi shari’a ga kanana da manyan sojoji

Karin bayani akan Rahotannin Taskar VOA
XS
SM
MD
LG