Accessibility links

Labari da Dumi-Duminsa

ECOWAS Zata Tura Sojoji Zuwa Mali Da Guinea-Bissau


Wasu jami'an da ba a bayyana sunayensu ba sun ce za a tura sojoji dubu 3 zuwa Mali, yayin da za a tura 600 zuwa Guinea-Bissau domin sanya idanu kan maido da mulkin farar hula.

Kungiyar Tarayyar tattalin Arzikin Afirka ta Yamma, ECOWAS, ta ce zata tura sojoji zuwa Mali da Guinea-Bissau domin sanya idanu kan yadda za a mayar da kasashen biyu turbar mulkin farar hula bayan juye-juyen mulki.

A wurin wani taron koli na musamman alhamis a kasar Ivory Coast, kungiyar ECOWAS ta ce ya kamata kasashen biyu su shirya gudanar da zabubbukan majalisun kasa da na shugabanni a cikin shekara daya. Ta yi barazanar kafa takunkumi idan har shugabannin juyin mulkin suka yi kokarin makalewa a kan mulki.

Kafofin yada labarai sun ambaci jami’an da ba a bayyana sunayensu ba su na fadin cewa za a tura sojojin ECOWAS har dubu 3 zuwa kasar Mali, inda a watan da ya shige sojoji suka yi bore suka hambarar da shugaban kasar da aka zaba ta hanyar dimokuradiyya.

Ana sa ran tura sojoji kimanin 600 zuwa kasar Guinea-Bissau, inda sojoji suka kwaci mulki ranar 12 ga watan Afrilu, makonni kadan kafin a gudanar da zaben fitar da gwani na shugaban kasa.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG