Hukumar kwallon kafa ta FIFA ta fara binciken Brazil da Argentina kan abin da ya haifar da wata riga da ta auku a wasan da kasashen biyu suka yi a Maracana.
Rigimar a cewar Kamfanin Dillancin Labarai na AP ta sa an dakatar da wasan na neman gurbin shiga gasar cin kofin duniya da za a yi a 2026.
Ana tuhumar hukumar kwallon kafar Argentina da laifin haifar da hatsaniya a cikin ‘yan kallo da kuma jinkirin da aka samu wjen gfara wasan.
A ranar Talata Argentina da Brazil suka fafata inda Argentina ta doke Brazil a gidanta da ci 1-0 a Rio de Janeiro.
It kuma Brazil ana tuhumarta da laifin gazawa da samar da cikakken tsaro a wasan da ta tsara.
Fada dai ya barke a tsakanin magoya baya jim kadan bayan da aka kammala taken kasashen biyu.
Hakan ya sa ala tilas aka sa ‘yan wasa suka koma dakin saka kaya, ba a kuma fara wasan ba sai bayan minti 27.
Dandalin Mu Tattauna