Wannan na zuwa ne bayan da aka ja tsawon shekara guda ana yaba masa sabili da bada cikakkun bayanai yau da kullun da kyakkyawan jagoranci yayinda a ke ta fama da annobar COVID-19.
Cuomo a cikin faifan bidiyo ya ce "Ganin yanayin yadda abubbuwa ke gudana, ina ganin abun da ya dace da zan iya taimakawa da shi yanzu shine in ja gefe guda in bar gwamnati ta dawo kan mulki,"
An sanar da hukuncin gwamnan wanda yayi wa'adi uku a matsayin wani ci gaba da aka samu a majalisar don tsige shi. Hakan ya faru ne bayan da babban lauyan New York ya fitar da sakamakon wani bincike da ya gano Cuomo ya ci zarafin akalla mata 11.
Masu bincike sun ce ya yi wa mata sumba da ba a so, ya murza jikinsu in da bai dace ba, yayi maganganu da basu dace ba game da sassan jikinsu da kuma rayuwar jima'insu; abun da ya haifar da yanayin aiki "cike da tsoro da tsoratarwa."
Kathy Hochul, mai shekaru 62 da haihuwa kuma ‘yar majalisar wakilai daga yankin Buffalo ce za ta maye gurbinsa, ta zama gwamnan jihar ta 57 kuma mace ta farko da za ta rike wannan mukami.
