Accessibility links

Labari da Dumi-Duminsa

Gwamnatin Kebbi Ta Dauki Matakin Shawo Kan Matsalar Tsaro


Makamai da aka kwace hannun 'yan bindiga

A Najeriya sojojin bataliya ta daya dake garin Dukku a jihar Kebbi sun samu kwarin guiwar iya tunkarar matsalar rashin tsaro da ke son lalata zaman lafiyar da aka San jihar dashi tsawon shekaru masu yawa.

Rundunar sojin ta karbi motoci kirar Hilux guda takwas da babura ashirin daga gwamnatin jihar Kebbi domin taimakawa wajen samar da tsaron jihar baki daya.

Tabarbarewar tsaro a Masarautar Zuru da ke kudancin jihar Kebbi ya yi sanadin mutuwar mutane da dama daga bangaren Dakarkari da Fulani Makiyaya wanda a da suke zaune lafiya har da auratayya tsakaninsu na tsawon fiye da shekara 100.

'Yan bindiga da aka kama a jihar Zamfara
'Yan bindiga da aka kama a jihar Zamfara

Wasu rahotanni daga bangarorin guda biyu, sun yi zargin cewa, an kashe al'uman Fulani da Dakarkari da yawan su ya wuce 174 a kananan hukumomin Sakaba, Danko-Wasagu, Fakai da Zuru wanda su ne kananan hukumomi hudu da ke karkashin Masarautar Zuru.

Ko a wani hari da aka kai baya bayan nan a garin Munhaye cikin yankin Danko Wasagu an kashe mutane hadi da soja biyu kuma aka kona motar Hilux ta Soji.

yan-bindiga-na-ci-gaba-da-kisan-mutane-a-arewacin-najeriya

yan-najeriya-sun-fara-daukar-matakin-kare-kan-su

an-kama-mutum-bakwai-a-sokoto-dake-da-hannu-a-garkuwa-da-dan-kasar-amurka-a-nijar

Bisa ga wannan matsalar da ma makamantan ta ne yasa gwamnatin jihar Kebbi ta tallafawa sojin da ke aiki a jihar.

Da ya ke hannun ta motoci hilux 8 da babura 20 ga kumandan burged ta daya Burgediya Genar Muhammad Bello Wabili, sakataren gwamnatin jihar ne Babale Umar Yauri yace gwamnati ta san da cewa wadannan ababen hawan sun yi kadan amma dai tana kokarin kara samar da wasu domin ta hakan ne zasu iya yin aikin su cikin nasara.

Jami'an tsaro suna gudanar da bincike
Jami'an tsaro suna gudanar da bincike

Sabon kumandan burget ta daya Burgediya janar Muhammad Bello Wabili wanda bai Jima da samun sauyin wurin aiki daga jihar Yobe ba, yace bayanin da ya samu da kama aiki a wannan burget ya nuna cewa, akwai bambanci ga tsaro idan aka kwatanta da inda ya fito amma dai yace dukan su akwai kalubale ciki.

Yace zai yi amfani da kwarewar aiki da ya samu daga yankin arewa maso gabashin Najeriya domin bada gudunmuwa ga magance matsalolin tsaro a yankin da dawo da aiki.

Jihar Kebbi na daya daga cikin jihohin da suka yi fama da hare haren ‘yan bidnga da ya janyo asarar rayuka da kaddarori, kamarin da ya jefa al’umma cikin zaman fargaba da zullumi da ya kuma durkusar da harkokin rayuwar yau da kullum a jihar.

Saurari rahoton Muhammadu Nasir cikin sauti.

Gwamnatin Kebbi Ta Dauki Matakin Shawo Kan Matsalar Tsaro-3:00"
please wait

No media source currently available

0:00 0:02:30 0:00


  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG