Accessibility links

Hukumar Zaben Laiberia ta Sanar Jiya Lahadi Zata Gudanar da Zaben Shugaban Kasar Zagaye Na Biyu


George Weah dan takarar dake kan gaba yana kada kuri'arsa a zaben shugaban kasar Liberia

Bayan an kammala kidayar kashi 95 cikin dari na kuri'un da aka kada a zaben shugaban kasar Liberia makon jiya, Weah ya samu kashi 39% yayinda mataimakin shugaban kasar, Boaki ya samu kashi 29% ke nan babu wanda ya samu kashi 51% saboda haka za'a gudanar da zaben zagaye na biyu tsakanin 'yan takarar biyu

Za a gudanar da zagaye na biyu a zaben Shugaban kasar Liberiya, a tsakanin shahararren tsohon dan wasan kwallon kafan nan George Weah da kuma Mataimakin Shugaban kasa na yanzu Joseph Boakai, a cewar Hukumar Zaben Kasar a jiya Lahadi.

Bayan kidaya wajen kashi 95% na kuri'un da aka kada a wannan kasa ta Yammacin Afirka, Weah ya samu kashi 39% a yayin da shi kuma Boakai ya samu kashi 29.1%. Wannan na nuna cewa ke nan babu daya daga cikinsu da ya sami adadin da ake bukata na kashi 50% kafin a zama Shugaban kasa, a zagaye na farko na zaben na makon jiya.

Masu zabe miliyan 2.1 da su ka yi rajista a kasar ne suka kada kuri'ar zaben wanda zai gaji Ellen Johnson Sirleaf, mace ta farko da ta zama Shugabar kasa a Afirka, wacce za ta sauka bayan ta ciki wa'adi biyu masu tsawon shekaru shida-shida, kamar yadda kundin tsarin mulkin Liberia ya tanada.

Facebook Forum

XS
SM
MD
LG