Accessibility links

Labari da Dumi-Duminsa

Hukumomin Nijar Sun Ba Wasu ‘Yan Kasar Rwanda Wa'adin Mako Guda Su Fice Daga Kasar


Hukumomin Nijar

Hukumomin jamhuriyar Nijar sun kori wasu ‘yan Rwanda daga kasar saboda dalilan da aka bayyana a matsayin na diflomasiya, sai dai wasu ‘yan rajin kare hakkin dan adam na ganin alamar keta hakkin dan adam a wannan lamarin.

Kimanin ‘yan Rwanda takwas daga cikin wadanda suka sami mafaka a Nijar ne hukumomin kasar suka bai wa wa’adin mako guda da su gagauta ficewa daga kasar.

Mutanen wadanda aka zayyana sunayensu a wata sanarwar da gwamnatin Nijar ta bayar, na daga cikin wadanda kotun hukunta manyan laifika ta kasar Rwanda TPIR ta samu da hannu a yakin basasar da aka yi fama da shi. Da alama matakin gwamnatin ya sami karbuwa a wajen wasu shugabannin kungiyoyin kare hakkin jama’a.

Sai dai wani dan siyasa mai fafitika ta yanar gizo, "Blog" Bana Ibrahim na ganin rashin dacewar wannan mataki a bisa la’akari da tanade-tanaden wasu mahimman dokokin kasa da kasa.

To amma mahukuntan na Nijer a wannan sanarwa sun bayyana dalilan diflomasia a matsayin hujjar da ta kaisu ga yanke shawarar korar wadanan ‘yan kasar na Rwanda.

‘Yan kabilar Tutsi sama da 800,000 ne aka hallaka a yakin basasar da ya daidaita kasar Rwanda a 1994. Jajircewar kasashen duniya ta taimaka wajen farfado da al’amura a wannan kasa yayinda aka kafa wata kotun musamman TPIR da nufin hukunta masu hannu a wannan tashin hankali inda wasu suka yi amfani da wani gidan rediyon kasar wajen yada sakwannin kyamar al’umar Tutsi a wancan lokaci.

Saurari rahoto cikin cikin sauti daga Souley Moumouni Barma:

Hukumomin Nijar Sun Kori Wasu ‘Yan Kasar Rwanda
please wait

No media source currently available

0:00 0:03:11 0:00


Dubi ra’ayoyi

AFCON 2021, Kelechi Iheanacho

"Ku doke daya daga cikin shahararrun koci a duniya", Kelechi Iheanacho, Najeriya bayan sun doke Masar
please wait

No media source currently available

0:00 0:01:11 0:00
Karin bayani akan Wasanni

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA
XS
SM
MD
LG