Accessibility links

Labari da Dumi-Duminsa

Hukumomin Nijar za su Mika Wa Gwamnatin Najeriya 'Yan Boko Haram 500


Rahotanni daga janhuriyar Nijar sun bayyana cewa hukumomin kasar na kokarin mika wasu ‘yan boko haram ga hukumomin Najeriya bayan da aka shafe lokaci mai tsawo ana tsare da su a gidajen yari daban daban.

Daruruwan ‘yan boko haram ne aka bayyana cewa hukumomin Nijer ke shirin mikawa hukumomin kasarsu ta asali wato Najeriya, a wani matakin rage cinkoson firsinoni a gidajen yarin Nijer.

Tun farkon bazuwar rikicin boko haram daga Najeriya zuwa yankin Diffa dake kudu maso gabashin Nijar, jami’an tsaron kasar sun yi nasarar cafke ‘yan boko haram da dama wadanda aka ajiye a gidajen kason garuruwan Yamai da Kollo da Kutukale.

Ganin halin da gidajen yarin da aka ajiye ‘yan boko haram suka shiga na yanayin cinkoson ya sa kasashen biyu yanke shawarar tasa keyar wadanda aka tabbatar da kasancewarsu ‘yan asalin Najeriya domin cigaba da zaman wakafi kafin su fuskanci shari’a.

Da ma dai Najeriya da Nijar na da huldar mikawa junansu firsinoni a duk lokacin da bukatar hakan ta taso, a cewar Bukary Abdulnaser, jami’i a sashen kula da kare hakkokin bil’adama dake ma’aikatar shari’ar Nijer.

Wata majiya mai tushe ta tabbattar da cewa tuni kasashen biyu suka tattauna da juna ta hanyar musayar wasiku game da shirin mika daruruwan mayakan daga hannun hukumomin Nijer zuwa na Najeriya.

Tun barkewar rikicin boko haram a arewa maso gabashin Najeriya, yankin Diffa na kasar Nijer ke dandana kudar sakamakon yawaitar hare haren da su ka yi sanadiyar mutuwar daruruwan bayin Allah, Cikinsu har da dakarun tsaro, da kuma tilastawa jama’a da dama kauracewa matsugunnasu a kewayen tafkin Chadi, lamarin da ya sa gwamnatin ta Nijer kafa dokar ta baci a yankin na Diffa.

Ga Souley Mummuni Burma da karin Bayani.

please wait

No media source currently available

0:00 0:02:31 0:00
Shiga Kai Tsaye

Labarai masu alaka

Ramaphosa Ya Kai Ziyara Najeriya

Lokacinda Ramaphosa Ya Isa Abuja
please wait

No media source currently available

0:00 0:00:37 0:00
Karin bayani akan Bidiyo

Ana ci gaba da muhawara a kan ko daga wane yanki na Najeriya yakamata shugaban kasar na gaba ya fito

Karin bayani akan Bidiyo

Zabarmawa, Zabuwa, Ghana

Yadda Aka Gudanar Da Wasan Zabuwa A Ghana
please wait

No media source currently available

0:00 0:03:14 0:00
Karin bayani akan Rahotannin Taskar VOA

Sabbin kotunan soji a Maiduguri za su yi shari’a ga kanana da manyan sojoji

Karin bayani akan Rahotannin Taskar VOA
XS
SM
MD
LG