An maido da Warmbier Amurka makon jiya a some. Likitocin a garinsa Cincinnati, Ohio sunce dan shekaru ishirin da biyu ya sami mutuwar kwakwalwa lokacin da yake Koriya ta Arewa, sai dai babu tabbacin abinda yasa hakan ta faru.
Koriya ta Arewa ta bayyana cewa, Warmbier ya yi doguwar sumar ne jim kadan bayanda aka yanke mashi hukumci a watan Maris bara, sabili da satar wani hoton siyasa a wani Otel din Koriya ta Arewa. Gwamnatin ta bayyana cewa, matashin ya shiga doguwar suma ne bayanda ya kamu da wata cuta dake kashe jijiyoyi, da aka kuma bashi maganin barci.
Sai dai iyayen Warmbier sun karyata haka, suka ce gwamnatin ta gallawa Otto azaba.
Facebook Forum