Accessibility links

Labari da Dumi-Duminsa

Jami'an Tsaro Sun Yi wa Gidan Mukaddashin Shugaban NIA Kawanya a Abuja


Wani mutum na wucewa ta kusa da motar 'yan sanda

Jami'an tsaro na farin kaya DSS da NIA sun yi wa gidan mukaddashin shugaban NIA kawanya lamarin da ya sa kungiyoyin da ke tabbatar anyi adalci da yaki da cin hanci da rashawa ke ganin gwamnatin Najeriya ba da gaske ta ke yi ba akan yaki da cin hanci da rashawa ba.

Jami'an hukumar NIA da na DSS sun yi wa gidan mukaddashin shugaban hukumar leken asirin kasashen waje, NIA Muhammad Dauda, kawanya a Abuja.

Kwanaki biyu ke nan a jere da gidan yake cikin wannan hali.

Wannan kuwa na zuwa ne a daidai lokacin da majalisar wakilai tarayya da hukumar EFCC ke biciken badakalar nan inda aka gano miliyoyin dalar Amurka a gidan tsohon shugaban hukumar Oke lamarin da ya yi sanadiyar tsigeshi daga mukaminsa.

Amma shugaban kungiyar Patriotic Front ta Najeriya, kungiyar dake yaki da rashin adalci a Najeriya, Malam Tijjani Isa ya ce lamarin na da ban tsoro. Ya na ganin an yi hakan ne a tsorata shi Muhammad Dauda kada ya ci gaba da tona asirin badakalar da ta faru a hukumar. Ya ce abun mamaki shi ne Ambassador Oke da aka sameshi da hannu dumu-dumu a badakalar yana zaune gidan gwamnati tare da masu kare lafiyarsa.

Kungiyarsu zata yi taro a Abuja ta tabbatar cewa ba'a raunata binciken ba ba'a kuma hana shi Muhammad Dauda ci gaba da fallasa abun da ya sani.

Shi ma Malam Awal Musa Rafsanjani shugaban kungiyar Transparency International reshen Najeriya ya ce lamarin ya sake tabbatar masu cin hanci da rashawa na nan da rai a kasar. Hukumomi sun daurewa cin hanci da rashawa gindi.

A saurari karin bayani a rahoton Umar Faruk Musa

please wait

No media source currently available

0:00 0:04:56 0:00

Facebook Forum

Matsalar Tsaro A Zamfara

Ko Kun San Irin Makaman Da Sojoji Ke Amfani Da Su Wajen Yaki Da 'Yan Bindiga A Jihar Zamfara?
please wait

No media source currently available

0:00 0:01:31 0:00
Karin bayani akan Bidiyo

Kamu A Auren Nupawa

Yadda Nupawa Suke Kamun Ango A Bikin Aure
please wait

No media source currently available

0:00 0:03:21 0:00
Karin bayani akan Rahotannin Taskar VOA
XS
SM
MD
LG