Dan wasan kwaikwayon masana’antar Nollywood da ke kudancin Najeriya, Charles Granville ya mutu a cewar jaridar Daily Tribune.
Wata sanarwa da iyalansa suka fitar a karshen makon da ya gabata, ta ce jarumin, wanda ya yi fice sanadiyyar shirin “Tinsel” mai dogon zango, ya rasu ne a ranar Alhamis 21 ga watan Satumba bayan fama da rashin lafiya.
Sanarwar wacce dan uwan mamacin Iyenemri Somiari Granville tya fitar, ta ce za a sanar da ranar da za a yi janai’zar jarumin wanda har ila yau darekta ne kuma furodusa.
Jaridar yanar gizo ta Legit ta ruwaito cewa a ranar 22 ga watan Satumba jarumin ya mutu, amma sai a ranar 23 aka samu labara.
Baya ga shirin “Tinsel” sauran fitattun fina-finai da Charles ya fito, sun hada da “Last Flight To Abuja,” da “Impossible Relationships,” da “Dowry Man.”
Sannan zai fito a wani sabon fim da ake shirin sakewa mai suna “Locked.”
Dandalin Mu Tattauna